Құрметті ұстаздар, оқушылар және ата-аналар!
Сіздерді 1 қыркүйек — жаңа оқу жылының басталуымен құттықтаймын! Білім беру ұйымдарында оқу жылы қатаң санитарлық талаптарды сақтай отырып, дәстүрлі форматта басталды.
1 қыркүйек — бірінші сынып оқушылары үшін ерекше мереке. Ауданымызда мектеп табалдырығын 1023 мыңға жуық балаға алғаш рет аттады. Осы салтанатты күні «Әліппе» мен «Букварь» оқулықтарын қолдарына алатын бірінші сынып оқушыларын құттықтағым келеді. Бүлдіршіндерімізге мықты денсаулық тілеп, ашық және білімқұмар болуға шақырамын.
Жаңа оқу жылы әрбір оқушы, мұғалім , жалпы білім беру саласына қатысы бар әрбір адам үшін қызықты әрі пайдалы болуын тілеймін.
Қымбатты білім алушылар, мұғалімдер мен ата-аналар! Сіздерді Білім күнімен құттықтай отырып, баршаңызға мықты денсаулық тілеймін!
Жаңа оқу жылы баршаңызды жаңа жетістіктерге жетелесін! Оқуда да, еңбекте де алда болайық! Мереке құтты болсын !
Ізгі ниетпен: Талас ауданы білім бөлімінің басшысы Қазанғапов Мақсат Арапұлы
